LECTURAS FEBREIRO



ALUMNOS: XOVES 19 ÁS 11:10

PAIS,PROFES E P.A.S. MARTES 10 ÁS 17:00. VISÍTANOS FRAN ALONSO NA BIBLIOTECA.

Para comentar este texto colocamos varios obxectos na mesa onde nos reunimos: un caligrama de Manoel Antonio, o libro Veinte poemas de amor y una canción desesperada de Neruda, un pequeno poema que lles entreguei previamente e do que tiveron que fixarse no autor (aparece mencionado no libro o autor e o primeiro dos versos); tamén había un sobre de avión, dúas cartas, unha cinta azul e unha caixa cun obxecto -que non debemos mencionar para non adiantar o final-, que nos trouxo Paz V.

Con eses elementos empezamos a falar do libro: eran importantes no texto e permitíronnos ir comentando en que parte da historia aparecían e que significado tiñan.
Os rapaces falaron dos sentimentos da protagonista cando debe ir de veraneo á casa da súa avoa (que morreu hai pouco), da presenza que sente no cuarto do seu tío,do que alí atopa, da guerra civil, da cárcere da Illa de San Simón, dunha historia de amor imposible...
Teremos a oportunidade este mes de asistir no noso centro á CHARLA con AGUSTÍN FERNÁNDEZ PAZ.

UN LIBRO, UN AMIGO

O día da reunión en que falamos de La nieta del Sr. Linh, os dous grupos de maiores de Balbordo intercambiamos regalos: cada un de nós tiña un libro. Estes foron os títulos:


P. Claudel logrou, con este sinxelo texto, falar de temas universais: a amizade que non require palabras, a soidade e a incomunicación, a linguaxe dos xestos e da tenrura, as ilusións, o exilio ou a nostalxia.
O Sr. Linh -desorientado nunha cidade inhóspita na que a incomunicación é a nota dominante- atopa sentido ó seu desarraigo cando a proximidade doutro home (co que as fronteiras do idioma en principio lle impedirían comunicarse) lle proporciona a posibilidade de que emerxan os seus propios recordos, de que a vida diaria sexa un pouco máis agradable... simplemente pola cercanía que ofrece unha man desinteresada amiga: a do Sr. Bark. Este ser sensible, ó que tamén lle pesan os recordos, penso que comprende perfectamente a difícil ilusión do vello: agarrarse ó seu ben máis preciado como único modo de superar unha dor posiblemente insoportable.
Este é un deses libros dos que é difícil falar sen recomendalo encarecidamente.

Entradas más recientes Entradas antiguas Inicio

Related Posts with Thumbnails

Blogger Template by Blogcrowds