![](https://blogger.googleusercontent.com/img/b/R29vZ2xl/AVvXsEj_UvbzDP9idiKwNspJ46wUfMz_ChpEmbG7MvtTcYjFBaPwnNyeO_SnS_Zq1zdjoWV6Db2eiWdcHvB2Ox4p90RX-5DmmEGOR-iAto_y_vJ-nSUkAiTjjfQWkB2d0NJHCdywOGUJ9z0hkUF5/s320/Lois+Per.jpg)
![](https://blogger.googleusercontent.com/img/b/R29vZ2xl/AVvXsEhvadFXLgxE5WXDSg0BSYReQWmnJ8Dw-KBsS_Ww2g0rOw8w2QV2FdpmoVKeChL7u1d6ICjGkAaOdiOF-kt8SVPP52bwg85ShHOGOIXVHUClsc5B31XoE-hASAgq76TuQODgQTPmerJmk7av/s320/PALABRA.jpg)
Antón comentounos dun modo amenísimo o proceso de elaboración da biografía, que vai tamén intimamente unida a persoas, lugares e a unha determinada época da nosa propia cidade. Todos recoñeciamos persoas, lugares, anécdotas, situacións... polo que o libro se podería calificar de "próximo".
Co biógrafo reflexionamos sobre a perspectiva que lle proporcionaron distintas persoas cercanas a Lois (a nai, a irmá, a moza, os amigos...) en boca das que se artella esta biografía que é unha polifonía de voces (entre as que tamén está a visión imaxinaria dunha conversa con Lois do propio autor) que completan e enriquecen a imaxe que nos creamos do poeta.
Penso que é un libro valente, feito con sensibilidade, orixinalidade e intelixencia; un libro que aborda a intimidade, a creación... de Pereiro con acerto. Posiblemente no caso de Lois moita da súa obra non se explicaría sen aspectos cruciais da súa vida.
Unha charla enriquecedora, distendida e suxestiva a que tivemos con Antón, monfortino tamén, ó que lle temos que agradecer a súa presenza na Biblioteca.
Deixovos un vídeo tomado de Youtube, que lle fixeron a Lois na tvg no 1989. Nel se recollen moitos dos temas que tamén abordamos na conversa.
Etiquetas: Biografía, Lois Pereiro, Lopo, Poesía
Entrada más reciente Entrada antigua Inicio
Suscribirse a:
Enviar comentarios (Atom)
0 comentarios:
Publicar un comentario