IRÈNE NÉMIROVSKY, EL BAILE

A lectura deste texto de I. Némirovsky pareceume unha boa ocasión para acercar a obra dunha autora que recentemente viña de descubrir despois de ler o seu magnífico libro Suite francesa, publicado tras azarosas vicisitudes.

Esta breve pero intensa historia xira en torno a un baile que ocupa os pensamentos e os comportamentos duns personaxes que quedan perfectamente caracterizados (en toda a súa complexidade ou a súa superficialidade, segundo as distintas opinións que expresamos). Actúan guiados polo recoñecemento social, a hipocrisía ou o egoísmo; aínda que a protagonista da historia se impón como figura clave polo seu arrouto de adolescente insatisfeita que sae do mundo da infancia para afirmarse tal vez como muller. Coa súa conduta provocará consecuencias imprevisibles para os que a rodean.
Destacamos deste texto a sinxeleza da súa linguaxe, o tratamento do paso do tempo (que precede á celebración do famoso baile) e tamén a forza de Antoinette, que desexa medrar e quizais tamén, nun futuro, repetir comportamentos que parece que reproba.

Espero contar coa oportunidade de "escoitar" as opinións dos máis novos cando lles propoñamos a lectura deste texto. "Os maiores" do Club comentamos que posiblemente a visión que eles nos ofrezan pode ser moi diferente á sensación coa que nós quedamos despois da lectura.

1 comentarios:

Es un libro facilito de leer, la trama es muy simple leyéndolo te das cuenta de que a veces un pequeño gesto puede traer consecuencias graves y esto es la vida misma. Lo que descubrí también fue la vida de la autora merece la pena echarle un vistazo.

9 de abril de 2008, 20:22  

Entrada más reciente Entrada antigua Página principal

Related Posts with Thumbnails

Blogger Template by Blogcrowds